തരൂർ ഗ്രാമപഞ്ചായത്ത്

പാലക്കാട് ജില്ലയിലെ ആലത്തൂർ താലൂക്കിൽ ആലത്തൂർ ബ്ളോക്കിൽ സ്ഥിതി ചെയ്യുന്ന ഒരു ഗ്രാമപഞ്ചായത്താണ്‌ തരൂർ ഗ്രാമപഞ്ചായത്ത്. തരൂർ ഒന്ന്, തരൂർ രണ്ട് എന്നീ വില്ലേജുകളിലായി വ്യാപിച്ചു കിടക്കുന്ന ഈ പഞ്ചായത്തിന് 34.72 ചതുരശ്ര കിലോമീറ്റർ വിസ്തീർണ്ണമുണ്ട്. തരൂർ പഞ്ചായത്തിന്റെ അതിരുകൾ വടക്കുഭാഗത്ത് പെരുങ്ങോട്ടുകുറുശ്ശി, കുത്തന്നൂർ, തിരുവില്വാമല പഞ്ചായത്തുകളും തെക്കുഭാഗത്ത് ഗായത്രിപുഴയും കാവശ്ശേരി പഞ്ചായത്തും കിഴക്കുഭാഗത്ത് കാവശ്ശേരി, എരിമയൂർ, പഞ്ചായത്തുകളും പടിഞ്ഞാറുഭാഗത്ത് ഗായത്രിപുഴയുമാണ്.

തരൂർ ശ്രീ കൃഷ്ണ ക്ഷേത്രമാണ് ഇവിടുത്തെ ഒരു ഹൈന്ദവ ആരാധനാകേന്ദ്രം.

അവലംബം

പാലക്കാട് ജില്ലയുടെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക.