അൻവർ റഷീദ്
|
ഈ ലേഖനത്തിനു മിഴിവേകാൻ ചിത്രങ്ങൾ ചേർക്കുന്നത് നന്നായിരിക്കും. താങ്കളുടെ കൈവശം സ്വതന്ത്ര ചിത്രങ്ങൾ ഉണ്ടെങ്കിൽ ദയവായി അത് വിക്കിപീഡിയയിലേക്ക് അപ്‌ലോഡ് ചെയ്യുകയും ലേഖനത്തിൽ ചേർക്കുകയും ചെയ്യുക. |
ഒരു മലയാള ചലച്ചിത്ര സം‌വിധായകനാണ് അൻവർ റഷീദ്. 2005-ൽ മമ്മൂട്ടി അഭിനയിച്ച രാജമാണിക്യം എന്ന ചലച്ചിത്രം സം‌വിധാനം ചെയ്തുകൊണ്ട് ചലച്ചിത്രലോകത്തേയ്ക്ക് കടന്ന് വരുന്നത്. മമ്മൂട്ടി നായകനായ ഈ ചിത്രം 2005-ൽ വ്യാവസായിക വിജയം കൈവരിച്ച ചിത്രങ്ങളിൽ ഒന്നായിരുന്നു. തുടർന്ന് 2007-ൽ ഛോട്ടാ മുംബൈ എന്ന ചിത്രം അൻവർ റഷീദ് സം‌വിധാനം ചെയ്യുകയുണ്ടായി. മോഹൻലാൽ നായകനായ ഈ ചിത്രവും ഒരു വിജയമായിരുന്നു. മമ്മൂട്ടി നായകനായ അദ്ദേഹത്തിന്റെ മൂന്നാം ചിത്രം അണ്ണൻ തമ്പിയും (2008) സാമ്പത്തികമായി ലാഭമുണ്ടാക്കി.
അൻവർ റഷീദ് | |
|---|---|
| പ്രമാണം:Anwar Rasheed.JPG | |
| ജനനം | 19 മാർച്ച് 1976 |
| തൊഴിൽ | ചലച്ചിത്ര സംവിധായകൻ, നിർമ്മാതാവ് |
| സജീവ കാലം | 2002–മുതൽ |
| പുരസ്കാരങ്ങൾ | കേരള ഫിലിം ക്രിട്ടിക്സ് അസോസിയേഷന്റെ അറ്റ്ലസ് ഫിലിം ക്രിട്ടിക്സ് അവാർഡ് 2009 'ബ്രിഡ്ജ്-കേരള കഫേ'യ്ക്കുള്ള പ്രത്യേക ജൂറി അവാർഡ്. |
രഞ്ജിത്തിന്റെ കീഴിൽ പത്ത് സം‌വിധായകർ അണിനിരന്ന് പത്ത് കഥകൾ ഉള്ള കേരള കഫേ (2009) എന്ന ചിത്രത്തിൽ ബ്രിഡ്ജ് ,[2] ദുൽഖർ സൽമാൻ നായകനായി 2012-ൽ പുറത്തിറങ്ങിയ ഉസ്താദ് ഹോട്ടൽ എന്ന ചിത്രവും ഇദ്ദേഹം സം‌വിധാനം ചെയ്തു. അൻവർ റഷീദ് എന്റർടൈൻമെന്റ്സ് എന്ന ബാനറിൽ ബാംഗ്ലൂർ ഡെയ്‌സ്, പ്രേമം എന്നീ ബ്ലോക്ക്ബസ്റ്റർ ചിത്രങ്ങളും അദ്ദേഹം നിർമ്മിച്ചു.
ചലച്ചിത്രങ്ങൾ
തിരുത്തുക| വർഷം | ചിത്രം | ഭാഗം | കുറിപ്പ് |
|---|---|---|---|
| 2005 | രാജമാണിക്യം | സംവിധായകൻ | |
| 2007 | ഛോട്ടാ മുംബൈ | സംവിധായകൻ | |
| 2008 | അണ്ണൻ തമ്പി | സംവിധായകൻ | |
| 2009 | കേരള കഫെ - ബ്രിഡ്ജ് | സംവിധായകൻ | |
| 2012 | ഉസ്താദ് ഹോട്ടൽ | സംവിധായകൻ | |
| 2013 | അഞ്ചു സുന്ദരികൾ - (ആമി) | സംവിധായകൻ | |
| 2014 | ബാംഗ്ളൂർ ഡേയ്സ് | നിർമ്മാതാവ് | |
| 2015 | പ്രേമം | നിർമ്മാതാവ് | |
| 2019 | ട്രാൻസ് | സംവിധായകൻ |
മറ്റ് വാർത്തകൾ
തിരുത്തുക- 2009 ആഗസ്ത് 31-ന് അൻവർ റഷീദിന്റെ വീട് ഒരുപറ്റം സാമൂഹ്യവിരുദ്ധർ ആക്രമിക്കുകയും അൻവർ റഷീദിനും അദ്ദേഹത്തിന്റെ അമ്മയായ ജാറിയത്ത്‌ ബീവിക്കും പരിക്കേൽക്കുകയും ചെയ്തു.[3] വീടിന്റെ പരിസരത്ത് നിന്ന് മദ്യപിച്ചിരുന്ന ഗുണ്ടകളോട് അവിടെയിരുന്നു മദ്യപിക്കരുതെന്ന് പറഞ്ഞതാണ് ആക്രമണത്തിന് കാരണമായതെന്ന് പറയപ്പെടുന്നു.[4]
അവലംബം
തിരുത്തുക- ↑ "Film director, mother hacked". The Hindu. Retrieved 2016-12-08.
- ↑ "ആർക്കൈവ് പകർപ്പ്". Archived from the original on 2009-10-10. Retrieved 2009-12-08.
- ↑ "Anwar Rasheed hacked by goons". Archived from the original on 2009-09-03. Retrieved ഡിസംബർ 08, 2009.
{{cite web}}: Check date values in:|accessdate=(help) - ↑ "ചലച്ചിത്രസംവിധായകൻ അൻവർ റഷീദിന്‌ വെട്ടേറ്റു പരിക്ക്‌". Retrieved ഡിസംബർ 08, 2009.
{{cite web}}: Check date values in:|accessdate=(help)[പ്രവർത്തിക്കാത്ത കണ്ണി]